Golfspjall.is fór í loftið 2. apríl 2008. Vegna mikils áhuga aðstandanda vefsíðunnar á golfi og vegna hækkandi forgjafar var farið í að hanna vefsíðu um golf. Hugmyndin var að opna vefsíðu með fyrsta flokks spjallborði, til að halda í við vaxandi áhuga íslendinga á golfíþróttinni. Einnig að kylfingar og áhugafólk um golf gætu spjallað og komið hugarefnum sínum á framfæri á málefnalegan hátt. 

Golfspjall.is er ekki með fréttaveitu, heldur er einfaldlega golfsamfélag fyrir alla kylfinga. Á síðunni er hægt að koma hugarefnum sínum á framfæri hvort sem er á spjallborðinu og/eða með því að senda inn aðsent efni. Allir eiga að geta fundið efni við sitt hæfi og eru margar hugmydir í bígerð til að gera golfsamfélagið Golfspjall.is vinsælan og áhugaverðan vettvang fyrir alla kylfinga. 

Við hvetjum alla til að skrá sig á spjallborðið og eiga allir virkir meðlimir reglulega möguleika á að vinna glæsilega vinninga. Kylfingar og golfáhugafólk er hvatt til að senda inn áhugavert efni (fréttir eða greinar) um hvað eina sem tengist golfi.

Golfspjall.is er og verður í stöðugri þróun, allar ábendingar um það sem betur má fara og hugmyndir um hvað bæta megi við eru vel þegnar. Fyrir auglýsingar sendu tölvupóst á tigulgolf(hjá)gmail.com.

Góða skemmtun.

Einar Bjarni Jónsson
Vefstjóri